33 Ka pauʼi koutou e Falaone pea mo ina fehuʼi atu pe kotea takotou gaue, 34 ʼe tonu ke kotou tali age: ‘Siʼoku ʼaliki, ʼe matou taupau te faga manu talu mai tamatou kei liliki ʼo kaku mai ki te ʼaho nei, ohage pe ko ʼamatou kui.’+ ʼE feala ai anai hakotou nonofo ʼi te fenua ʼo Koseni,+ koteʼuhi ʼe fakalialia te kau Esipito ki te kau tauhi ovi.”+

26 Kae neʼe tali e Moisese: “ ʼE mole lelei ke matou fai te faʼahi ʼaia, koteʼuhi ʼe fakalialia anai te kau Esipito ki te ʼu sakilifisio ʼae ka matou fai kia Sehova, tomatou ʼAtua.+ Kapau ʼe matou fai he sakilifisio ʼe fakalialia ki ai te kau Esipito kae ʼe natou sio mata ki ai, ʼe mole natou tuki makaʼi anai koa ia matou?