14 “Ka kotou hu ki te fenua ʼae ʼe foaki atu e Sehova tokotou ʼAtua pea kua kotou maʼu mo nonofo ʼi ai, pea ka kotou ui ʼe kotou fia fakanofo hokotou hau ohage pe ko te ʼu puleʼaga fuli ʼae ʼi ʼokotou tafaʼaki,+ 15 ʼe tonu anai ke kotou fakanofo te hau ʼae ʼe filifili e Sehova tokotou ʼAtua.+ ʼE kotou fakanofo anai he tagata neʼe filifili ʼi takotou hahaʼi ke liliu ko hokotou hau. ʼE mole gafua anai ke kotou fakanofo he matapule, he tahi ʼe mole kau ki takotou hahaʼi.

19 Kae ʼi te ʼaho nei, ʼe kotou liʼaki tokotou ʼAtua+ ʼae neʼe ina haofaki koutou mai ʼokotou malaʼia mo ʼokotou mamahi fuli, pea neʼe kotou ui: “Kailoa, kae ʼe tonu ke ke fakanofo homatou hau.” ʼI te lakaga leva ʼaeni, kotou tahi tutuʼu ia muʼa ʼo Sehova ʼo mulimuli ki ʼokotou telepi pea mo ʼokotou famili.’ ”*

43 Koʼeni te ʼu hau ʼae neʼe pule ʼi te fenua ʼo Etome+ kae neʼe heʼeki pule he hau ki te kau Iselaele:*+ Ko Pela, te foha ʼo Peoli. Neʼe higoa tona kolo ko Tinapa. 44 ʼI te mate ʼa Pela, neʼe hau leva ia Sopape, te foha ʼo Sela, te tagata mai Potisela,+ ʼo fetogi ia ia. 45 ʼI te mate ʼa Sopape, neʼe hau leva ia Usami, te tagata mai te fenua ʼo te kau Temane, ʼo fetogi ia ia. 46 ʼI te mate ʼa Usami, neʼe hau leva ia Atati te foha ʼo Petate, ʼae neʼe malo ʼi te kau Matiane ʼi te fenua ʼo Moape, ʼo fetogi ia ia. Neʼe higoa tona kolo ko Aviti. 47 ʼI te mate ʼa Atati, neʼe hau leva ia Samela, te tagata mai Masileka, ʼo fetogi ia ia. 48 ʼI te mate ʼa Samela, neʼe hau leva ia Saule, te tagata mai Leopoti ʼi te Vai Tafe, ʼo fetogi ia ia. 49 ʼI te mate ʼa Saule, neʼe hau leva ia Paale-anane te foha ʼo Akepole ʼo fetogi ia ia. 50 ʼI te mate ʼa Paale-anane, neʼe hau leva ia Atati ʼo fetogi ia ia. Neʼe higoa tona kolo ko Pau pea neʼe higoa tona ʼohoana ko Mesesapele, te taʼahine ʼa Mateleti, ʼae ko te ʼofafine ʼo* Mesaape.