18 “ ʼE ke fai anai he foʼi topu kapa mo hona tuʼuʼaga.+ ʼE ke fakatuʼu anai ʼi te vaha ʼo te fale la ʼo te fono mo te ʼaletale pea ʼe ke ʼai anai ki ai he vai.+

11 Hili ʼaia, neʼe ina afuhi tuʼa fitu he moʼi lolo ki te ʼaletale pea mo ʼana meʼa gaue fuli, pea mo te topu kapa mo tona tuʼuʼaga ke fakamaʼoniʼoniʼi ai te ʼu meʼa ʼaia.

23 Neʼe ina faʼu leva te foʼi tane vai lahi, neʼe higoa ko te Tai.+ Neʼe takafuafua, neʼe fasiga nima 10 mai te tahi faʼahi ki te tahi age faʼahi, pea neʼe fasiga nima 5 tona maʼoluga. Neʼe ʼaoga he maea ʼe fasiga nima 30 moʼo fuafua te takafoli ʼo te foʼi tane vai ʼaia.*+