19 “ ʼE ke fai anai he ʼu tuʼuʼaga siliva+ ʼe 40 ʼo te ʼu kaumatapa ʼae ʼe 20. ʼE ʼi ai anai he ʼu fakanifo ʼe lua ʼi he kaumatapa ʼe tahi pea ʼe fakaulu anai ke to tonu mo te ʼu tuʼuʼaga siliva ʼe lua. ʼE ke fai feia anai ki te ʼu kaumatapa fuli.+ 20 ʼE ke fai anai he ʼu kaumatapa ʼe 20 ki te faʼahi ʼo te tapenakulo, ʼae ʼe haga ki te potu noleto 21 pea mo ʼonatou tuʼuʼaga siliva ʼe 40: ʼe ko tuʼuʼaga ʼe lua ʼo te ʼuluaki kaumatapa pea ʼe toe tuʼuʼaga lua mo te ʼu kaumatapa fuli ʼae ʼe hoa mai.

25 Pea ʼe ʼi ai anai te ʼu kaumatapa ʼe valu pea mo ʼonatou tuʼuʼaga siliva ʼe 16: ʼe ko tuʼuʼaga ʼe lua ʼo te ʼuluaki kaumatapa pea ʼe toe tuʼuʼaga lua mo te ʼu kaumatapa fuli ʼae ʼe hoa mai.

32 Pea ʼe ke tau anai ki he ʼu pou ʼe fa neʼe fai ʼaki te ʼakau ʼae ko te akasia pea neʼe ʼaofi ʼaki te aulo. ʼE fai anai ʼaki te aulo te ʼu faʼo ʼo te ʼu foʼi pou ʼaia ke tau ki ai te lito. ʼE fakatuʼu anai te ʼu pou ʼaia ʼi he ʼu tuʼuʼaga siliva ʼe fa.