Watchtower TANAKIʼAGA TOHI ʼI TE NETI

Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

Ekesote 9:14

Tohi-Tapu Fakaliliu ʼo Te Malama Foʼou
- 14 Kapau ʼe mole ke fai te faʼahi ʼaia, ʼe au fakahoko anai te ʼu malaʼia fuli kia koe, mo ʼau hahaʼi faifekau pea mo tau hahaʼi. Pea ʼe kotou iloʼi ai ʼe mole he tahi ʼe hage ko au ʼi te kele katoa.+

Ekesote 15:11

Tohi-Tapu Fakaliliu ʼo Te Malama Foʼou
- 11 Sehova e, ʼe mole he tahi age ʼatua ʼe hage ko koe!+
  
  ʼE mole he ʼatua ʼe maʼoniʼoni ohage ko koe!+
  
  Ko koe ʼae ʼe tonu ke matou manavasiʼi ki ai ʼaki ni hiva fakavikiviki, ko koe ʼae ʼe ke fai he ʼu gaue fakaofoofo.+

Pesa 83:18

Tohi-Tapu Fakaliliu ʼo Te Malama Foʼou
- 18 Ke iloʼi e te hahaʼi fuli ia koe ʼae ko tou huafa ko Sehova,+
  Ko koe tokotahi pe te Maʼoluga ʼi te kele katoa.+

Pesa 86:8

Tohi-Tapu Fakaliliu ʼo Te Malama Foʼou
- 8 Sehova e, ʼe mole he tahi age ʼatua ʼe tatau mo koe,+
  ʼE mole he ʼu gaue ʼe hage ko ʼau gaue.+

Esaia 46:9

Tohi-Tapu Fakaliliu ʼo Te Malama Foʼou
- 9 Kotou manatuʼi te ʼu meʼa ʼo te temi muʼa,
  Kotou manatuʼi ko au te ʼAtua pea ʼe mole ʼi ai he tahi atu.
  
  Ko au te ʼAtua pea ʼe mole ʼi ai he tahi ʼe hage ko au.+

Selemia 10:6, 7

Tohi-Tapu Fakaliliu ʼo Te Malama Foʼou
- 6 Sehova e, ʼe mole he tahi ʼe tatau mo koe.+
  
  ʼE ke lahi pea ʼe maʼuhiga tou huafa ʼo ha ai tou mafimafi.
  
  7 Hau ʼo te ʼu puleʼaga, ʼe mole tonu koa la ke matou manavasiʼi fuli kia te koe?+ ʼE mole ke tuha koa la mo te manavasiʼi ʼaia?
  ʼE mahino ia, ʼe mole he tahi ʼe tatau mo koe,+
  ʼI te kau popoto fuli ʼo te hahaʼi pea mo ʼonatou puleʼaga fuli.

Loma 9:17

Tohi-Tapu Fakaliliu ʼo Te Malama Foʼou
- 17 Koteʼuhi ʼi te ʼu Tohi Taputapu neʼe ui e te ʼAtua kia Falaone: “Neʼe au tuku ke ke maʼuli ʼuhi ko te faʼahi ʼaeni: ke au fakaʼaogaʼi koe ke fakaha toku mafimafi pea ke tala toku huafa ʼi te kele katoa.”+