22 Ka au fakalaka ʼi toku kololia, ʼe au tuku anai ia koe ki he ava ʼo te fuʼu maka, pea ʼe au puipui anai ia koe ʼaki toku nima ʼo kaku ki taku ʼosi fakalaka. 23 Hili ʼaia, ʼe au toʼo anai toku nima, pea ʼe ke sio anai ki toku tuʼa. Kae ʼe mole feala anai ke ke sio ki toku fofoga.”+

8 ʼE au palalau kia ia, ʼo ma fehagaʼaki.+ Ko he meʼa pe ʼe au fia ui age ki ai, ʼe au fakaha lelei age. ʼE toe ha ia Sehova kia ia. Koia, he koʼe neʼe mole kolua tuʼania ʼi te palalau kovi ʼo ʼuhiga mo taku tagata faifekau ko Moisese?”

10 Kae neʼe heʼeki ha he polofeta ʼi Iselaele ohage ko Moisese,+ ʼae neʼe iloʼi lelei e Sehova.+

18 Neʼe heʼeki ʼi ai he tagata kua sio ki te ʼAtua.+ Kae ko te ʼatua ʼulu tokotahi+ ʼae ʼe nofo ia tafa ʼo te Tamai*+ neʼe ina fakamahino mai pe ko ai te ʼAtua ʼaia.+

46 Heʼeki sio he tagata ki te Tamai,+ gata pe kia ia ʼae neʼe haʼu mai te ʼAtua, ko ia ʼaia kua sio ki te Tamai.+

38 Neʼe nofo ia Moisese ʼi te lotolotoiga ʼo te hahaʼi ʼo Iselaele ʼi te toafa, mo te ʼaselo+ ʼae neʼe palalau ki ai+ ʼi te Moʼuga ʼo Sinai pea mo ʼatatou kui. Pea neʼe foaki ki ai te ʼu folafola maʼuli mo taputapu, ke ina tuku mai kia tatou.+