26 Pea neʼe ina toʼo ʼi te kato ʼo te ʼu pane hala fakatupu ʼae neʼe tuku ia muʼa ʼo Sehova, he foʼi pane takafuafua* hala fakatupu,+ mo he foʼi pane takafuafua* neʼe ʼai ki ai he moʼi lolo,+ ʼo feia mo he foʼi fakapaku. Pea neʼe ina hili leva te ʼu meʼa ʼaia ki te gako mo te alaga mataʼu.

28 Neʼe toe toʼo leva e Moisese te ʼu meʼa ʼaia mai ʼonatou nima ʼo tutu ke kohu ʼi te ʼaletale, ʼi ʼoluga ʼo te holokoseta. Ko te ʼu meʼa ʼaia ʼe momoli ʼi te fakanofo ʼo Alone mo ʼona foha ko he kau pelepitelo, ʼe ko he ʼaele lelei ki te ʼAtua. Ko he molaga neʼe tutu maʼa Sehova.

13 “ ‘Koʼeni te lao ʼo ʼuhiga mo ia ʼae ʼe Nasilea: Ka katoa te temi ʼo tona Nasilea,+ ʼe ʼaumai anai ia ia ki te huʼaga ʼo te fale la ʼo te fono.

19 Pea ʼe toʼo anai e te pelepitelo te alaga muʼa ʼae kua moho+ ʼo te ovi tagata, mo he pane takafuafua* hala fakatupu ʼe tahi ʼi te kato, mo he foʼi fakapaku hala fakatupu. Pea ʼe ina tuku anai te ʼu meʼa ʼaia ki te ʼu nima ʼo te Nasilea, ʼi tana ʼosi tele tona ʼulu ʼae neʼe ha ai te fakailoga ʼo tona ʼuhiga Nasilea.