19 “Hili ʼaia, ʼe ke toʼo anai te tahi ovi tagata, pea ʼe hili anai e Alone mo ʼona foha ʼonatou nima ki te ʼulu ʼo te ovi tagata ʼaia.+ 20 ʼE ke matehi anai te ovi tagata pea mo toʼo he moʼi toto ʼo ʼai ki te taliga mataʼu ʼo Alone, mo te ʼu taliga mataʼu ʼo ʼona foha pea mo te kauʼi tuhi matuʼa ʼo ʼonatou nima mataʼu ʼo feia mo te kauʼi vaʼe matuʼa ʼo ʼonatou vaʼe mataʼu. Pea ʼe ke afuhi anai te toto ki te ʼu faʼahi kehekehe fuli ʼo te ʼaletale.