25 Neʼe filifili e Moisese he ʼu tagata neʼe popoto ʼi Iselaele katoa, pea neʼe ina fakanofo ia natou ke pule ki te hahaʼi: ko he ʼu pule ʼo he toko afe, mo he ʼu pule ʼo he toko teau, mo he ʼu pule ʼo he toko nimagofulu pea mo he ʼu pule ʼo he toko hogofulu. 26 Neʼe natou fakamauʼi te hahaʼi moka hoko he ʼu fihi. Ko te ʼu fihi ʼae ʼe faigataʼa, neʼe natou fakaha age kia Moisese,+ kae ko te ʼu fihi ʼae ʼe faigafua, neʼe natou fakamauʼi pe.