14 Pea neʼe ui leva e Sehova kia Apalamo ʼi te ʼosi mavae ʼa Lote: “Fakalelei siʼou loto, hiki ake ʼou mata pea mo ke sio mai mai te faʼahi ʼae ʼe ke tuʼu ai, ki te potu noleto mo te potu saute, pea mo te potu esite mo te potu uesite, 15 koteʼuhi ko te fenua katoa ʼae ʼe ke sio ki ai, ʼe au foaki atu anai kia koe pea mo tou hakoga ʼo talu ai.+

27 Ke ke hake ki te tumutumu ʼo Pisika,+ pea ke sio ki te potu uesite, mo te potu noleto, mo te potu saute pea mo te potu esite ʼo ke mamata ki te fenua, koteʼuhi ʼe mole ke fakalaka anai ʼi te Solotane.+

52 ʼE ke sio anai ki te fenua mai mamaʼo, kae ʼe mole ke hu anai ki te fenua ʼae ʼe au foaki ki te hahaʼi ʼo Iselaele.”+

34 Neʼe mavae leva ia Moisese mai te toafa ʼo Moape ʼo hake ki te Moʼuga ʼo Nepo,+ ki te tumutumu ʼo Pisika,+ ʼae ʼe haga ki Seliko.+ Pea neʼe fakaha age e Sehova ki ai ia te fenua katoa, mai Kileate ki Tane,+