29 ʼE kotou mamate anai ʼi te toafa ʼaeni,+ ʼei, ia koutou fuli ʼae ʼe taʼu 20 ʼo fai ki ʼoluga pea neʼe tohi, ia koutou fuli ʼae neʼe muhumuhu kia te au.+ 30 ʼE mole hu anai he tahi ia koutou ki te fenua ʼae neʼe au fakapapau atu ke kotou nonofo ai,+ gata pe kia Kalepo, te foha ʼo Sefune pea mo Sosue, te foha ʼo Nune.+

14 Ko te temi ʼae neʼe tou haʼele ai mai Katesi-palenea ki te Vai Tafe* ʼo Selite neʼe ko taʼu ʼe 38, ʼo aʼu ki te mamate fuli ʼo te taʼiake ʼo te ʼu tagata tau, ohage pe ko tona fakaha e Sehova kia natou.+