19 ʼE gata pe anai ki ʼokotou ʼohoana, mo ʼakotou fanau pea mo takotou faga manu (ʼe au iloʼi lelei ʼe lahi takotou faga manu) ʼe nonofo anai ʼi te ʼu kolo ʼae neʼe au foaki atu, 20 ʼo aʼu ki te foaki e Sehova te malolo ki ʼokotou tehina, ohage ko tana fai kia koutou, pea ke natou toe maʼu mo natou te fenua ʼae ʼe foaki anai e Sehova tokotou ʼAtua kia natou, ʼae ʼe tuʼu ʼi te tahi kauvai ʼo te Solotane. Hili ʼaia, ʼe kotou tahi liliu mai anai ki tona kele ʼae kua au foaki atu.’+

14 Koia ʼe nonofo anai ʼokotou ʼohoana, mo ʼakotou fanau, pea mo takotou faga manu ʼi te fenua ʼae neʼe foaki atu e Moisese, ʼi te faʼahi ʼaeni* ʼo te Solotane.+ Kae ko koutou fuli, ʼu tagata tau malolohi,+ ʼe tonu ke kotou teuteu ki te tau moka kotou fakalaka ʼi te Solotane. Pea ʼe kotou olo anai ʼi muʼa ʼo ʼokotou tehina.+ Pea ʼe tonu anai ke kotou tokoni ki ʼokotou tehina 15 ʼo aʼu ki te foaki age e Sehova kia natou te tokalelei, ohage ko tana kua foaki atu kia koutou. ʼEi, ʼe kotou tokoni anai kia natou ʼo aʼu ki tanatou maʼu te fenua ʼae ʼe foaki age e Sehova tokotou ʼAtua kia natou. Pea ʼe kotou toe liliu anai ki te fenua ʼae kua kotou maʼu, ʼei, te fenua ʼae neʼe foaki atu e Moisese, te tagata faifekau ʼa Sehova ʼae ʼi te potu esite ʼo te Solotane, ke kotou nonofo ai.’ ”+

8 Neʼe kua maʼu e te kau Lupeni, mo te kau Kate pea mo te tahi vaelua ʼo te telepi ʼo Manase tonatou tofiʼa, ia te fenua ʼae neʼe foaki age e Moisese kia natou ʼi te potu esite ʼo te Solotane, ʼo mulimuli pe ki te ʼu koga meʼa ʼae neʼe hinoʼi age kia natou e Moisese, te tagata faifekau ʼa Sehova:+