31 “ ʼE au fakatuʼu anai ʼou tuʼakoi mai te Tai Kula ʼo kaku ki te tai ʼo te kau Filisitini pea mai te toafa ʼo kaku ki te Vai Tafe,*+ he ʼe au tuku anai ki ʼou nima te hahaʼi ʼo te fenua pea ʼe ke kapu anai ia natou ʼi ʼou muʼa.+ 32 ʼE mole tonu anai ke ke fai he fuakava mo natou peʼe ko ʼonatou ʼatua.+ 33 ʼE mole tonu anai ke natou nonofo ʼi tou fenua naʼa natou fakaneke ia koe ke ke agahala mai kia te au. Kapau ʼe ke tauhi ki ʼonatou ʼatua, pea ʼe liliu moʼoni anai te meʼa ʼaia ko he hele kia koe.”+

3 ʼE mole tonu anai ke kotou feʼohoanaʼaki. ʼE mole kotou foaki anai ʼokotou ʼofafine ki ʼonatou foha pea ʼe mole kotou toʼo anai ʼonatou ʼofafine maʼa ʼokotou foha.+ 4 Koteʼuhi ʼe natou fakaneke anai ʼokotou foha ke tuku tanatou tauhi mai kia te au, kae ke natou tauhi ki he tahi age ʼu ʼatua.+ Pea ʼe to anai te hauhau ʼo Sehova kia koutou, pea ʼe ina fakaʼauha fakavilivili anai koutou.+

12 “Kae kapau ʼe kotou maliu kehe mai te ʼAtua, pea kapau ʼe kotou pipiki ki te toe ʼo te ʼu puleʼaga+ ʼae kei nonofo mo koutou ʼi te fenua, pea kapau ʼe kotou ʼohoana mo ʼonatou foha mo ʼonatou ʼofafine,+ pea kapau ʼe kotou fakatahi mo natou peʼe natou fakatahi mo koutou, 13 ke kotou iloʼi papau ia te faʼahi ʼaeni: ʼe mole hoko atu anai te kapu e Sehova, tokotou ʼAtua ia te ʼu puleʼaga ʼaia ʼi ʼokotou muʼa.+ ʼE natou liliu anai ko he hele kia koutou, mo he huipi ʼe taʼi ʼaki koutou ʼi ʼokotou vakavaka+ pea mo he ʼu meʼa talatala ʼi ʼokotou mata, ʼo kaku ki takotou pupuli ʼi te fenua lelei ʼaeni neʼe foaki atu e Sehova, tokotou ʼAtua.

2 Pea ko koutou, ʼe mole tonu ke kotou fai he fuakava mo te hahaʼi ʼo te fenua ʼaia,+ kae ʼe kotou maumauʼi anai ʼonatou ʼaletale.’+ Kae neʼe mole kotou fakalogo mai.+ He koe neʼe kotou fai te meʼa ʼaia? 3 Ko te tupuʼaga la ʼaia ʼo taku toe ui atu: ‘ ʼE mole au kapu anai te hahaʼi ʼo te fenua ʼi ʼokotou muʼa.+ ʼE natou liliu anai ko he hele kia koutou,+ pea ʼe fakahalaʼi anai koutou ke kotou tauhi ki ʼonatou ʼatua.’ ”+