32 Ko te pule lahi ʼo te kau Levite neʼe ko Eleasale,+ te foha ʼo Alone ia te pelepitelo. Neʼe ina takitaki ia natou ʼae neʼe tokakaga ki te koga meʼa taputapu.

26 ʼE ke huʼi anai te ʼu teu ʼo Alone+ ʼo fakatui ki tona foha ko Eleasale,+ pea ʼe mate anai ia Alone ʼi ai.”

14 Koʼeni te ʼu koga meʼa ʼae neʼe foaki ki te kau Iselaele ko honatou tofiʼa ʼi te fenua ʼo Kanaane. Neʼe foaki e te pelepitelo ko Eleasale, mo Sosue, te foha ʼo Nune pea mo te ʼu pule famili ʼo te ʼu telepi ʼo Iselaele tonatou tofiʼa ʼaia.+