32 Kae logo la te ʼu faʼahi fuli ʼaia, neʼe mole kotou tui kia Sehova tokotou ʼAtua,+ 33 ʼae neʼe alu ʼi ʼokotou muʼa ʼo kumi he koga meʼa ke fakatuʼu ai tokotou nofoʼaga. Neʼe nofo mo koutou ʼi te poʼuli ʼaki he afi pea ʼi te ʼaho ʼaki he ʼao ke ina fakaha atu te ala ʼae ʼe tonu ke kotou olo ai.+

3 pea neʼe natou fakatotonu ki te hahaʼi: “Ka kotou sisio anai kua fata e te kau pelepitelo Levite te aleka ʼo te fuakava ʼa Sehova tokotou ʼAtua,+ pea ʼe kotou mavae anai mai te faʼahi ʼae ʼe kotou nonofo ai ʼo mulimuli ai. 4 Kae ʼe tonu anai ke kotou tuku he vaha ia koutou mo te aleka, ʼe teitei fasiga nima 2 000.* ʼAua naʼa kotou fakaovi fau ki te aleka, ke feala ai hakotou iloʼi te ala ʼae ʼe tonu ke kotou fakalaka ai, he neʼe heʼeki kotou olo ʼi te ala ʼaia.”