38 ʼE tonu anai ke fai ʼaki te ʼu ʼaiʼaga afi ʼa te ʼu tagata ʼaia neʼe agahala ʼo natou mamate ai, ni lauʼi ukamea pea ke ʼaofi ʼaki te ʼaletale,+ koteʼuhi neʼe natou tutuʼu ia muʼa ʼo Sehova mo te ʼu ʼaiʼaga afi ʼaia, pea kua liliu te ʼu meʼa ʼaia ʼo taputapu. ʼE ko he fakatokaga anai ki te kau Iselaele.”+

10 Pea ʼaua naʼa kotou muhumuhu, ohage ko te muhumuhu ʼa ʼihi ia natou,+ ʼo matehi ai natou e ia ʼae ʼe ina fakaʼauha.*+ 11 ʼE feala ke tou taʼofi ni ako mai te ʼu aluʼaga ʼaia neʼe tohi moʼo fakatokaga ʼo tatou,+ ia tatou ʼaeni ʼe maʼuʼuli ʼi te fakaʼosi ʼo te tuʼu ʼo te ʼu faʼahiga meʼa ʼaeni.