34 Neʼe ʼomai te hahaʼi mai te ʼu puleʼaga fuli pe ke natou logo ki te poto ʼo Salomone, ʼo kau ai te ʼu hau ʼo te kele katoa ʼae neʼe logo ki te talanoa ʼo ʼuhiga mo tona poto.+

4 ʼI te temi ʼae neʼe sio ai te fineʼaliki ʼo Sepa ki te poto katoa ʼo Salomone,+ mo te fale ʼae neʼe ina laga,+ 5 mo te meʼa kai ʼae ʼi tona laupapa,+ mo te fakatuʼutuʼu ʼo te ʼu hekaʼaga ʼo ʼana hahaʼi maʼu tuʼulaga ʼi te laupapa, mo te faiselevisi ʼo ʼana tagata faifekau pea mo ʼonatou teu, mo ʼana tagata ʼae neʼe tokakaga ki te vino, pea mo te ʼu holokoseta ʼae neʼe ina momoli tuʼumaʼu ʼi te fale ʼo Sehova, neʼe punamaʼuli ʼaupito ai. 6 Koia, neʼe ina ui ki te hau: “Neʼe moʼoni pe te fakamatala ʼae neʼe au logo ki ai ʼi toku fenua ʼo ʼuhiga mo ʼau gaue* pea mo tou poto. 7 Kae neʼe mole pe la au tui ki te ʼu fakamatala ʼaia ʼo kaku ki taku hoki haʼu ʼo sio mata ki ai. Pea koʼeni, neʼe mole pe la fakamatala fuli mai! ʼE fakalaka maumau age tou poto mo ʼou koloa ʼi te ʼu fakamatala ʼae neʼe au logo ki ai.

19 Neʼe palalau leva ia te hau mo natou. Pea neʼe mole he tahi ia natou fuli ʼaia neʼe hage ko Taniela, mo Hanania, mo Misaele pea mo Asalia.+ Koia neʼe natou nonofo ai ʼo gaue maʼa te hau. 20 Neʼe fakafehuʼi natou e te hau ʼo ʼuhiga mo te ʼu meʼa fuli ʼae neʼe ʼaoga ki ai he poto mo he ʼatamai. Pea neʼe ina tokagaʼi leva ʼe tuʼa teau age tonatou popoto ʼi te kau pelepitelo fuli ʼae ʼe gaohi meʼa fakamanamana mo te hahaʼi faifakakikite fakatemonio fuli ʼo tona puleʼaga katoa.+