5 ʼE mole tonu ke ke tulolo ʼi ʼonatou muʼa pea mo tauhi kia natou,+ koteʼuhi ko au, ia Sehova tou ʼAtua, ko he ʼAtua ʼe ina fakamaʼua ke pipiki ʼateaina pe kia te ia.+ ʼE au tauteaʼi te ʼu foha ʼuhi ko te hala ʼo ʼanatou tamai ʼae ʼe fehihiʼa kia te au, pea ʼe au toe tauteaʼi mo te tolu taʼiake mo te fa taʼiake.

14 ʼE mole tonu anai ke ke tulolo ki he tahi age ʼatua,+ he ʼe ko Sehova ʼe ko he tahi* ʼe ina fakamaʼua ke pipiki ʼateaina pe kia te ia. ʼEi, ko he ʼAtua ʼe ina fakamaʼua ke pipiki ʼateaina pe kia te ia.+

11 “Ko Fineasi,+ te foha ʼo Eleasale, te foha ʼo te pelepitelo ko Alone, neʼe ina fakamaliu toku hauhau mai te hahaʼi ʼo Iselaele, he neʼe mole ina tali ke heʼe agatonu he tahi kia te au.+ Koia ʼae neʼe mole au fakaʼauha ai te kau Iselaele logo la ʼe au fakamaʼua ke pipiki ʼateaina pe kia te au.+

27 Neʼe ina tali age: “ ‘ ʼE tonu ke ke ʼofa kia Sehova* tou ʼAtua ʼaki tou loto katoa, mo tou maʼuli* katoa, mo tou malohi katoa pea mo tou ʼatamai katoa’+ pea ‘ke ke ʼofa ki tou tatau ohage pe ko koe totonu.’ ”+