64 “Pea ʼe fakamavetevete anai koutou e Sehova ʼi te lotolotoiga ʼo te ʼu puleʼaga fuli, mai ʼae potu taupotu ʼo te kele ki ʼae potu taupotu,+ pea ʼe kotou tauhi ai anai ki he ʼu ʼatua neʼe fai ʼaki te ʼakau mo te maka, ʼae neʼe mole kotou iloʼi ʼo feia mo ʼakotou kui.+

8 “Fakalelei siʼou loto, kae ke ke manatuʼi te folafola ʼaeni neʼe ke fakatotonu* ki tau tagata faifekau ko Moisese: ‘Kapau ʼe kotou heʼe agatonu, pea ʼe au fakamavetevete anai koutou ʼi te lotolotoiga ʼo te hahaʼi.+