Watchtower TANAKIʼAGA TOHI ʼI TE NETI

Ekesote 23:1

Tohi-Tapu Fakaliliu ʼo Te Malama Foʼou
- 23 “ ʼE mole tonu ke ke fakamafola he logo ʼe mole moʼoni.+ ʼAua naʼa ke lagolago kia ia ʼae ʼe agakovi ʼaki hau fai he fakamoʼoni loi.+

Levitiko 19:16

Tohi-Tapu Fakaliliu ʼo Te Malama Foʼou
- 16 “ ‘ ʼE mole tonu anai ke ke fealuʼaki ʼi te lotolotoiga ʼo tau hahaʼi ʼo faifasituʼu.+ ʼE mole tonu anai ke ke faiga ke ke matehi tou tatau.*+ Ko au ia Sehova.

Tetelonome 19:16-19

Tohi-Tapu Fakaliliu ʼo Te Malama Foʼou
- 16 Kapau ʼe fai e he tahi he fakamoʼoni loi ʼo ʼuhiga mo he tagata pea ʼe ina tukugakoviʼi ʼo ʼuhiga mo he agahala neʼe ina fai,+ 17 ʼe tutuʼu anai te ʼu tagata ʼaia ʼe lua ʼe fihi ia muʼa ʼo Sehova, ia muʼa ʼo te kau pelepitelo pea mo te kau tuʼi fakamau ʼae ʼe gaue ʼi te ʼu ʼaho ʼaia.+ 18 ʼE tonu anai ke kumikumi fakalelei e te kau tuʼi fakamau te aluʼaga ʼaia.+ Pea kapau neʼe fai e te tagata ʼaia he fakamoʼoni loi, pea neʼe ina tukugakoviʼi hala tona tehina, 19 ʼe kotou fai pe anai ki te tagata ʼaia te meʼa ʼae neʼe ina fakatuʼutuʼu ke fai ki tona tehina.+ ʼE tonu ke pulihi te tagata agakovi ʼaia ia koutou.+

Taʼaga Lea 6:19

Tohi-Tapu Fakaliliu ʼo Te Malama Foʼou
- 19 Te fakamoʼoni ʼe gutuloi tuʼumaʼu,+
  Pea mo he tahi pe ʼe fakatupu kē ʼi ni tehina.+

Taʼaga Lea 19:5

Tohi-Tapu Fakaliliu ʼo Te Malama Foʼou
- 5 ʼE fakatuʼā anai te fakamoʼoni loi,+
  Pea ʼe mole hao anai ia ia ʼae ʼe loi tuʼumaʼu.+