14 Pea neʼe ui leva e Sehova kia Apalamo ʼi te ʼosi mavae ʼa Lote: “Fakalelei siʼou loto, hiki ake ʼou mata pea mo ke sio mai mai te faʼahi ʼae ʼe ke tuʼu ai, ki te potu noleto mo te potu saute, pea mo te potu esite mo te potu uesite, 15 koteʼuhi ko te fenua katoa ʼae ʼe ke sio ki ai, ʼe au foaki atu anai kia koe pea mo tou hakoga ʼo talu ai.+

17 ʼI te taʼu 99 ʼo Apalamo, neʼe ha ia Sehova kia ia pea neʼe ina ui age: “ ʼE ko au te ʼAtua Mafimafi. Haʼele ʼi ʼoku ala pea ʼaua naʼa ke fai he meʼa ʼe kovi.*

8 Pea ʼe au foaki anai kia koe pea mo tou hakoga te fenua ʼae neʼe ke maʼuli ai ohage ko he matapule,+ ia te fenua katoa ʼo Kanaane, ke kotou maʼu ʼo talu ai, pea ʼe au liliu anai ko tokotou ʼAtua.”+