22 “ ʼE mole tonu ke kotou gaohi koviʼi he fafine vitua peʼe ko he tamasiʼi ʼe hala mo tamai.+ 23 Kapau ʼe ke gaohi koviʼi ia naua, ʼo nā tagi mai ai kia te au, ʼe au logo moʼoni anai ki ʼanā tagi.+

14 “ ʼE mole tonu ke ke kakaʼi te totogi ʼo hau tagata gaue ʼe nofo ʼi te faigataʼaʼia pea mo masiva, tatau aipe pe ʼe ko hou tehina peʼe ko he matapule ʼe maʼuli ʼi tou fenua, ʼi ʼou kolo.*+ 15 ʼE ke foaki age anai kia ia te totogi ʼo tana gaue,+ ʼi muʼa ʼo te to ʼo te laʼa, koteʼuhi ʼe nofo ʼi te faigataʼaʼia pea ʼe fakalogo tona maʼuli* ki tona totogi ʼaia. Kapau ʼe mole ke fai te faʼahi ʼaia, ʼe tagi anai kia Sehova, pea ʼe ke lakahala anai.+