13 Ko Sehova tokotou ʼAtua ʼae ʼe kotou manavasiʼi+ mo tauhi anai kia te ia,+ pea ʼe kotou fai anai ʼakotou fakapapau ʼi tona huafa.+

15 Kae kapau ʼe mole kotou fia tauhi kia Sehova, kotou filifili e koutou totonu ʼi te temi nei pe ko ai ʼae ka kotou tauhi anai ki ai.+ Kotou filifili pe ʼe kotou tauhi ki te ʼu ʼatua ʼae neʼe tauhi ki ai ʼakotou kui ʼi te tahi faʼahi ʼo te Vai Tafe,+ peʼe ko te ʼu ʼatua ʼo te kau Amole ʼi te fenua ʼae ʼe kotou nonofo ai.+ Kae ko au mo toku famili, ʼe matou tauhi anai kia Sehova.”

8 Neʼe tali age e Sesu: “Kua tohi: ‘ ʼE tonu ke ke atolasio kia Sehova* tou ʼAtua pea mo foaki kia te ia tokotahi pe he tauhi taputapu.’ ”+