Watchtower TANAKIʼAGA TOHI ʼI TE NETI

Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

Ekesote 9:16

Tohi-Tapu Fakaliliu ʼo Te Malama Foʼou
- 16 Kae neʼe au tuku ia koe ke ke maʼuli ʼuhi ko te faʼahi ʼaeni: Ke au fakaha atu toku mafimafi pea ke tala toku huafa ʼi te kele katoa.+

Ekesote 15:6

Tohi-Tapu Fakaliliu ʼo Te Malama Foʼou
- 6 Sehova e, ko tou nima mataʼu ʼe mafimafi,+
  Sehova e, ʼe feala ke laliki e tou nima mataʼu te fili.

Tetelonome 28:10

Tohi-Tapu Fakaliliu ʼo Te Malama Foʼou
- 10 ʼE tonu anai ke tokagaʼi e te hahaʼi fuli ʼo te kele neʼe fakahigoaʼi koutou ki te huafa ʼo Sehova,+ pea ʼe natou matataku anai ia koutou.+

1 Samuele 17:46

Tohi-Tapu Fakaliliu ʼo Te Malama Foʼou
- 46 ʼI te ʼaho ʼaeni, ʼe tuku mai anai koe e Sehova ki ʼoku nima,+ pea ʼe au matehi anai koe mo tuʼusi tou ʼulu. Pea ʼi te ʼaho ʼaeni, ʼe au foaki anai te ʼu sino mate ʼo te nofoʼaga ʼo te kau Filisitini ki te ʼu manulele mo te ʼu manu fekai ʼo te kele. Pea ʼe iloʼi anai e te hahaʼi fuli ʼo te kele ʼe ʼi ai te ʼAtua ʼi Iselaele.+

2 Hau 19:19

Tohi-Tapu Fakaliliu ʼo Te Malama Foʼou
- 19 Kae, Sehova e, siʼomatou ʼAtua, fakalelei siʼou loto, ke ke haofaki matou mai ʼona nima, ke iloʼi ai e te ʼu puleʼaga fuli ʼo te kele ʼe ko koe tokotahi pe, Sehova e, ia te ʼAtua.”+

Pesa 106:8

Tohi-Tapu Fakaliliu ʼo Te Malama Foʼou
- 8 Kae neʼe ina haofaki natou ʼuhi ko tona huafa,+
  Ke ina fakaha ai tona mafimafi.+