15 Koia neʼe olo fuli ai te hahaʼi ki Kilekale pea neʼe natou fakanofo hau ia Saulo ia muʼa ʼo Sehova ʼi Kilekale. Neʼe natou momoli ai leva te ʼu sakilifisio ʼo te tokalelei ia muʼa ʼo Sehova,+ pea neʼe fakafiafia ʼaupito ia Saulo mo te kau tagata fuli ʼo Iselaele.+

13 Neʼe ui leva e Samuele kia Saulo: “Neʼe mole ko he meʼa fakapotopoto ʼaena neʼe ke fai. Neʼe mole ke fakalogo ki te fakatotonu ʼae neʼe foaki atu e Sehova tou ʼAtua.+ Ka na pau la neʼe ke fakalogo, ʼe fakatuʼu anai e Sehova tou puleʼaga ʼi Iselaele ke malohi ʼo heʼe gata.

26 Kae neʼe ui e Samuele kia Saulo: “ ʼE mole au toe liliu anai mo koe, he neʼe ke liʼaki te folafola ʼa Sehova, pea kua liʼaki koe e Sehova ke mole ke toe hau ki Iselaele.”+

7 Neʼe ui leva e Saulo ki ʼana tagata faifekau: “Kotou kumi he fafine ʼe felogoi mo te kau mate,+ ke au alu ki ai.” Neʼe tali age e ʼana tagata faifekau: “Koʼeni ʼe ʼi ai te fafine ʼe felogoi mo te kau mate ʼi Ene-toli.”+

4 Neʼe ui e Saulo ki tana tagata toʼo mahafu: “Tohoʼi ake tau heleta ʼo hukiʼi ʼaki au, ke mole ʼomai te kau tagata heʼe silikosisio ʼaia*+ ʼo hukiʼi mo gaohi koviʼi* au.” Kae neʼe mole loto ki ai tana tagata toʼo mahafu he neʼe mataku ʼaupito. Koia neʼe toʼo ai e Saulo tana heleta ʼo fakamate ia ia.+