4 Neʼe fai leva e Samuele te meʼa ʼae neʼe fakaha age e Sehova. ʼI tana tau atu ki Petelehemi,+ neʼe matataku te kau takitaki ʼo te kolo ʼi tanatou felaveʼi mo ia. Pea neʼe natou ui age: “ ʼE ke haʼu koa mo te tokalelei?”

18 Neʼe ui e he tahi ʼi te hahaʼi gaue: “Neʼe au sio ki te poto ta alepa ʼo he foha ʼo Sese, te tagata Petelehemi, pea ʼe ko he tagata tau lototoʼa mo malohi.+ ʼE poto palalau, mo talavou+ pea ʼe nofo ia Sehova mo ia.”+