4 Koia, neʼe palalau lelei ia Sonatane kia Saulo tana tamai ʼo ʼuhiga mo Tavite.+ Neʼe ina ui age: “ ʼAua naʼa agahala te hau ki tana tagata faifekau ko Tavite, koteʼuhi neʼe mole agahala ia kia koe kae neʼe fua lelei kia koe te ʼu meʼa ʼae neʼe ina fai.

32 Kae neʼe ui e Sonatane kia Saulo tana tamai: “He koʼe koa ʼe tonu ke matehi ia ia?+ Kotea ʼae neʼe ina fai?”

11 Siʼaku tamai, sio ki tou tapaʼi kofu tuʼa ʼae ʼi toku nima. Koteʼuhi ʼi taku tuʼusi tou tapaʼi kofu tuʼa, neʼe mole au matehi koe. ʼE feala leva ke ke sio mo mahino ʼe mole au loto ke au fai he meʼa ʼe kovi kia koe peʼe ke au agatuʼu. Neʼe mole au agahala kia koe,+ logo la ʼe ke tuli au ke ke matehi.+

23 ʼE liufaki anai e Sehova ʼo mulimuli ki te faitotonu+ mo te agatonu ʼa te hahaʼi takitokotahi, koteʼuhi ʼi te ʼaho nei, neʼe tuku koe e Sehova ki ʼoku nima, kae neʼe mole au fia hiki toku nima ki te tagata fakanofo ʼa Sehova.+