15 “Kae kapau ʼe mole kotou fakalogo ki te leʼo ʼo Sehova tokotou ʼAtua, ʼo kotou tokakaga fakalelei ʼo maʼuliʼi ʼana fakatotonu fuli pea mo ʼana lekula ʼae ʼe au foaki atu kia koutou ʼi te ʼaho nei, ʼe hoko anai kia koutou te ʼu malaʼia fuli ʼaeni pea ʼe lahi anai ʼokotou malaʼia:+

25 ʼE mole tuku atu anai e Sehova kia koutou te malo ʼi ʼokotou fili.+ ʼE kotou olo anai ʼo ʼohofi ia natou ʼi he ala ʼe tahi, kae ʼe kotou feholaki anai ʼi ʼonatou muʼa ia ala kehekehe ʼe fitu. Pea ʼe kotou liliu anai ko he meʼa fakalialia ki te ʼu puleʼaga fuli ʼo te kele.+

14 Pea neʼe kovi ʼosi leva te ita ʼo Sehova ki Iselaele. Neʼe ina tuku ai natou ki te ʼu nima ʼo ni hahaʼi kaihaʼa koloa.+ Neʼe ina tuku* natou ki te ʼu nima ʼo ʼonatou fili ʼae neʼe nonofo ʼi ʼonatou tafaʼaki,+ pea neʼe mole kei lava tauʼi e te kau Iselaele ʼonatou fili.+