12 Neʼe mataku leva ia Tavite ki te ʼAtua moʼoni ʼi te ʼaho ʼaia, pea neʼe ina ui: “ ʼE lava feafeaʼi haku ʼaumai te Aleka ʼo te ʼAtua moʼoni?”+ 13 Neʼe mole ʼaumai e Tavite te Aleka ki te faʼahi ʼae neʼe nofo ai, ʼi te Kolo ʼo Tavite. Kae neʼe ina fakatotonu ke ʼave ki te ʼapi ʼo Opeto-etome te tagata Kiete. 14 Neʼe tuku te Aleka ʼo te ʼAtua moʼoni ʼi te loto fale ʼo Opeto-etome lolotoga mahina ʼe tolu. Pea neʼe tapuakiʼi e Sehova te loto fale ʼo Opeto-etome mo te ʼu meʼa fuli ʼae neʼe ina maʼu.+