14 Kae ʼi te temi nei, ʼe mole ke pule fualoa anai.+ ʼE maʼu anai e Sehova he tagata ʼe mulimuli ki tona finegalo,*+ pea ʼe fakanofo anai e Sehova ke ina takitaki tana hahaʼi,+ he neʼe mole ke fakalogo ki te meʼa ʼae neʼe fakatotonu atu e Sehova.”+

27 ʼI te maliu ʼa Samuele ʼo alu, neʼe puke e Saulo te tapatapa ʼo tona kofu tuʼa, pea neʼe mahae ai. 28 Neʼe ui e Samuele ki ai: “Koʼena te meʼa ʼae kua hoko kia koe. Kua toʼo e Sehova te tuʼulaga hau ʼo Iselaele mai ia koe ʼi te ʼaho nei, pea ʼe ina foaki anai ki he tagata ʼe lelei age ia koe.+

16 Ki muli age, neʼe ui e Sehova kia Samuele: “ ʼE kaku anai koa ki ʼafea tau lotomamahi ʼo ʼuhiga mo Saulo+ kae kua au liʼaki ia ia ke mole toe hau ki Iselaele?+ ʼUʼutu tau talaʼi manu ʼaki te lolo+ pea ke alu. ʼE au fekauʼi koe ke ke alu kia Sese,+ te tagata Petelehemi, he neʼe au filifili ʼi ʼona foha he hau.”+

13 Neʼe toʼo ai e Samuele te talaʼi manu ʼae neʼe ʼai ai te lolo+ ʼo ina fakanofo ia ia, ia muʼa ʼo ʼona tehina. Pea talu mai te ʼaho ʼaia, neʼe fakamalohiʼi e te laumalie ʼo Sehova ia Tavite.+ Ki muli age, neʼe tuʼu ake Samuele ʼo alu ki Lama.+

17 ʼE au fakatuputupu anai ʼi ai te malohi ʼo* Tavite.

Neʼe au teuteuʼi he malama ki taku fakanofo.+

22 ʼI tana ʼosi fakahifo ia ia, neʼe ina filifili leva ia Tavite ke hau kia natou.+ Neʼe ina fakamoʼoni ʼo ʼuhiga mo ia: ‘Kua au maʼu ia Tavite te foha ʼo Sese,+ ko he tagata ʼe mulimuli ki toku finegalo*+ pea ʼe ina fai anai te ʼu meʼa fuli ʼae ʼe au loto ki ai.’