14 Neʼe ina toʼo leva te pulupulu ʼo Elia ʼae neʼe to ifo ʼo ina taʼi ʼaki te vai pea mo ina ui: “ ʼE ʼifea ia Sehova, te ʼAtua ʼo Elia?” ʼI tana taʼi ʼaia te vai, neʼe vaelua ai pea neʼe fakalaka leva ia Eliseo.+

20 Neʼe ina ui age kia natou: “Kotou ʼaumai he kiʼi ipu foʼou neʼe ʼai ki ai he moʼi masima.” Neʼe natou ʼaumai ai ki ai. 21 Pea neʼe alu leva ki te matapuna vai ʼo li ki ai he moʼi masima+ pea neʼe ina ui: “Koʼeni te folafola ʼa Sehova: ‘ ʼE au fakamaʼa te vai ʼaeni. ʼE mole toe ʼi ai anai ni mate mo ni fafine paʼa* ʼuhi ko te vai ʼaia.’ ”

17 koteʼuhi koʼeni te folafola ʼa Sehova: “ ʼE mole kotou sisio anai ki he matagi, pea ʼe mole kotou sisio anai ki he ʼua, kae ʼe fonu anai te vai tafe* ʼaeni ko te vai.+ Pea ʼe kotou inu anai ki ai, ia koutou, mo ʼakotou faga manu pea mo ʼakotou ʼihi atu manu.” ’

4 Pea ke alu mo ʼau tama ki tou ʼapi pea ke pupunu leva te matapa. Ke ke ʼuʼutu te ʼu ʼutuʼaga meʼa fuli ʼaia, pea ke tuku keheʼi leva te ʼu ʼutuʼaga meʼa ʼae kua fonu.”

7 Neʼe alu ai ʼo fakaha ki te tagata ʼa te ʼAtua moʼoni, pea neʼe ui age e te tagata: “Alu ʼo fakatau te lolo mo huʼi ʼou maʼua, pea ʼe feala leva kia koe mo ʼau tama ke kotou maʼuli ʼi te meʼa ʼae ka toe.”

5 ʼI te lolotoga taʼaga e he tahi ia natou he fuʼu ʼakau, neʼe to leva tana kanoʼi toki ki te vai, pea neʼe kalaga: “Oie siʼoku pule, ko he toki neʼe au alu ʼo kole!” 6 Neʼe ui age e te tagata ʼa te ʼAtua moʼoni: “Neʼe to ʼifea?” Neʼe ina fakaha age te faʼahi ʼae neʼe to ai. Neʼe taʼaga leva e te tagata ʼa te ʼAtua moʼoni he koga ʼakau ʼo li ki ai, pea neʼe maʼanu ai te kanoʼi toki. 7 Pea neʼe ina ui: “Toʼo ake.” Neʼe ina faoʼi ai tona nima ʼo toʼo ake te kanoʼi toki.

7 Neʼe ui leva e Eliseo: “Kotou fagono ki te folafola ʼa Sehova. Koʼeni te folafola ʼa Sehova: ‘Apogipogi, ʼi te temi pe ʼaeni, ʼi te matapa* ʼo Samalia, ʼe totogi anai he fua sea* falena lelei ʼe tahi kia sikele* ʼe tahi, pea mo he fua sea olose ʼe lua kia sikele ʼe tahi.’ ”+