-
2 Hau 16:7Tohi-Tapu Fakaliliu ʼo Te Malama Foʼou
-
-
7 Koia, neʼe fekauʼi ai e Akase he ʼu tagata ʼave logo ke olo kia Tikalate-pilesele,+ te Hau ʼo Asilia ʼo ui age ki ai: “Ko au ʼe ko tau tagata faifekau pea mo tou foha. Ke ke haʼu ʼo haofaki au mai te ʼu nima ʼo te hau ʼo Silia pea mo te ʼu nima ʼo te hau ʼo Iselaele, ʼae ʼe nā tauʼi au.”
-
-
1 Koloniko 5:6Tohi-Tapu Fakaliliu ʼo Te Malama Foʼou
-
-
6 pea ko Paale ko te tamai ʼa Peela, ʼae neʼe ʼave popula e Tilekate-pilenesele,+ te Hau ʼo Asilia, pea neʼe kau ʼi te kau pule ʼo te kau Lupeni.
-
-
1 Koloniko 5:26Tohi-Tapu Fakaliliu ʼo Te Malama Foʼou
-
-
26 Koia, neʼe uga ai e te ʼAtua ʼo Iselaele ia Pulu, te Hau ʼo Asilia+ (ʼae ko Tilekate-pilenesele,+ te Hau ʼo Asilia) ke ina ʼave popula te kau Lupeni, mo te kau Kate pea mo te vaelua ʼo te telepi ʼo Manase ki Salaki, mo Sapole, mo Hala pea mo te potu fenua ʼo te vai tafe ʼo Kosani.+ ʼE kei natou nonofo ai pe ʼo kaku mai ki te ʼaho nei.
-
-
2 Koloniko 28:19, 20Tohi-Tapu Fakaliliu ʼo Te Malama Foʼou
-
-
19 Neʼe fakamalaloʼi e Sehova ia Suta ʼuhi ko Akase, te Hau ʼo Iselaele, he neʼe ina tuku ke fai fakavalevale e Suta he ʼu aga ʼe mole lelei, ʼo lahi ai te ʼu agahala ʼae neʼe natou fai kia Sehova.
20 Ki muli age, neʼe haʼu ia Tilekate-pilenesele+ te Hau ʼo Asilia ʼo tauʼi ia ia, pea neʼe ina fakamamahiʼi ia ia+ kae neʼe mole tokoni ki ai.
-