21 Neʼe hau ia Manase+ ʼi tona taʼu 12, pea neʼe pule lolotoga taʼu ʼe 55 ʼi Selusalemi.+ Neʼe higoa tana faʼe ko Efesipa.

3 Neʼe ina toe laga te ʼu faʼahi maʼoluga ʼae neʼe maumauʼi e tana tamai ko Esekiasi,+ mo fakatuʼu he ʼu ʼaletale kia Paale pea mo fai he pou ʼakau taputapu,*+ ohage pe ko Akapo, te hau ʼo Iselaele.+ Neʼe tulolo ia muʼa ʼo te foʼi kautau katoa ʼo te ʼatu lagi* pea mo atolasio kia natou.+