5 Pea neʼe ʼomai te kau Silia ʼo Tamaso+ ʼo tokoni kia Atatesele, te Hau ʼo Tesopa, kae neʼe haga ia Tavite ʼo matehi te toko 22 000 kau Silia.+ 6 Neʼe fakatuʼu e Tavite he ʼu nofoʼaga solia ʼi Silia, ʼae ko tona kolo muʼa ko Tamaso. Neʼe liliu ai te kau Silia ko he hahaʼi faifekau ʼa Tavite pea neʼe tonu ke natou totogi te tukuhau. Neʼe foaki e Sehova te malo kia Tavite ʼi te ʼu faʼahi fuli pe ʼae neʼe alu ki ai.+ 7 Neʼe toʼo e Tavite mai te hahaʼi faifekau ʼa Atatesele te ʼu meʼa tali tau aulo takafuafua, ʼo ina ʼave ki Selusalemi.+ 8 Neʼe toe toʼo foki e te Hau ko Tavite he ʼu tuʼuga kapa mai Petaki mo Pelotai, ʼae ko te ʼu kolo ʼo Atatesele.