17 Neʼe fakaha age te faʼahi ʼaia kia Tavite. Neʼe ina foimo fakatahiʼi atu aipe ia Iselaele katoa ʼo natou fakalaka ʼi te Solotane ʼo olo ki Elami. Neʼe fakaʼatu leva te kau Silia ke natou tauʼi ia Tavite.+ 18 Kae neʼe feholaki te kau Silia ia muʼa ʼo Iselaele. Neʼe matehi e Tavite te ʼu tagata taki saliote ʼe toko 700 pea mo te ʼu tagata heka hosi Silia ʼe toko 40 000. Neʼe ina toe matehi ʼi ai ia Sopake, te pule ʼo tanatou kautau.+ 19 ʼI te logo ʼa te ʼu hau fuli ʼae ʼe fakalogo kia Atatesele, ki te kua malo ʼa Iselaele, neʼe natou foimo kumi ai te tokalelei mo Iselaele pea neʼe natou fakalogo leva kia natou.+ Pea neʼe matataku leva te kau Silia ʼi te toe tokoni ki te kau Amone.