22 Neʼe haga ia Alone ki te hahaʼi, pea neʼe ina hiki ki ʼoluga ʼona nima ʼo ina tapuakiʼi ia natou.+ Neʼe hifo leva mai te ʼaletale ʼi tana ʼosi momoli te molaga ʼo te agahala, mo te holokoseta pea mo te ʼu sakilifisio ʼo te tokalelei.

23 “Ke ke ui age kia Alone mo ʼona foha: ‘ ʼE kotou tapuakiʼi fenei+ anai te hahaʼi ʼo Iselaele, ʼo kotou ui age kia natou:

24 “ ʼOfa pe ke tapuakiʼi koutou e Sehova,+ pea ke ina puipui koutou.

25 ʼOfa pe ke fakaha atu e Sehova tona agalelei,+ pea ke ʼofa kia koutou.

26 ʼOfa pe ke fakaha atu e Sehova tona ʼofa, pea ke ina foaki atu te tokalelei.” ’+

27 Pea ʼe natou fakaʼaogaʼi anai toku huafa moʼo tapuakiʼi te hahaʼi ʼo Iselaele,+ ke feala ai haku tapuakiʼi natou.”+

5 “ ʼE fakaovi mai anai te kau pelepitelo, ia te kau Levite, he neʼe filifili ia natou e Sehova tokotou ʼAtua, ke natou tauhi kia te ia+ pea mo tala he ʼu tapuakina ʼi te huafa ʼo Sehova.+ ʼE natou fakaha anai pe ʼe tonu ke fakatokatoka feafeaʼi te ʼu fihi ʼae neʼe hoko ʼuhi ko he agamalohi.+