1 ʼI te ʼuluaki taʼu ʼo te pule ʼa Siliusi te Hau+ ʼo Pelesia, neʼe hoko ai leva te folafola ʼa Sehova ʼae neʼe fakaha e Selemia.+ Neʼe uga e Sehova te ʼatamai ʼo Siliusi te Hau ʼo Pelesia ke ina tala ʼi tona puleʼaga katoa, pea ke ina toe tohi foki+ te faʼahi ʼaeni:

2 “Koʼeni te folafola ʼa Siliusi te Hau ʼo Pelesia: ‘Neʼe foaki mai kia au e Sehova te ʼAtua ʼo te ʼatu lagi ia te ʼu puleʼaga fuli ʼo te kele,+ pea neʼe ina fakatotonu mai ke au laga he fale maʼa ia ʼi Selusalemi,+ ʼi Suta. 3 Ko he tahi pe ia koutou ʼe kau ki tana hahaʼi, ke nofo tona ʼAtua mo ia. Pea ke hake ki Selusalemi, ʼi Suta, ʼo toe laga te fale ʼo Sehova te ʼAtua ʼo Iselaele, ʼae neʼe tuʼu ʼi Selusalemi.* ʼE ko ia te ʼAtua moʼoni.