20 Ko te koga fale ʼaia neʼe fasiga nima 20 tona loa, mo fasiga nima 20 tona laulahi pea mo fasiga nima 20 tona maʼoluga.+ Neʼe ina ʼaofi te koga fale ʼaia ʼaki te aulo maʼa pea neʼe ina ʼaofi te ʼaletale+ ʼaki te ʼakau ʼae ko te sete.

23 ʼI te loto Potu Taputapu ʼAupito* neʼe ina fai ai he ʼu kelupimi ʼe lua+ ʼaki te ʼakau ʼae ko te sapa.* Ko te kelupimi ʼe tahi neʼe fasiga nima hogofulu tona maʼoluga.+

6 Neʼe ʼave leva e te kau pelepitelo ia te aleka ʼo te fuakava ʼa Sehova+ ki te Potu Taputapu ʼAupito, ia te koga fale taupotu ʼo te fale lotu. Neʼe natou tuku ki tona nofoʼaga, ʼi te ʼu lalo pakakau ʼo te ʼu kelupimi.+

7 Neʼe folahi te ʼu pakakau ʼo te ʼu kelupimi ʼi ʼoluga ʼo te tuʼuʼaga ʼo te Aleka, koia neʼe malumalu ai te Aleka pea mo ʼana ʼakau ʼamo ʼuhi ko te ʼu kelupimi.+ 8 Neʼe loloa te ʼu ʼakau ʼamo+ ʼaia ʼo feala ke ha te ʼu muliʼi meʼa ʼo te ʼu ʼakau ʼaia ki te Potu Taputapu ʼae ʼi muʼa ʼo te koga fale taupotu, kae neʼe mole ha ia ki tuʼa. Pea ʼe kei tuʼu ai ʼo kaku mai ki te ʼaho nei. 9 Neʼe mole he meʼa ʼi te loto Aleka, gata pe ki te ʼu lauʼi maka ʼe lua+ ʼae neʼe tuku e Moisese ki ai+ ʼi Olepe, ʼi te temi ʼae neʼe fai ai e Sehova he fuakava+ mo te hahaʼi ʼo Iselaele ʼi tanatou mavae mai te fenua ʼo Esipito.+