31 Koʼeni ia natou ʼae neʼe fakanofo e Tavite ke natou takitaki te hiva ʼae neʼe fai ʼi te tapenakulo* ʼo Sehova, ʼi te ʼosi tuku ki ai te Aleka.+ 32 Neʼe natou tokakaga ki te hiva ʼae neʼe fai ʼi te tapenakulo,* ʼo kaku ki te laga e Salomone te fale lotu* ʼo Sehova ʼi Selusalemi.+ Pea neʼe natou fakahoko ʼanatou gaue ohage ko tona fakatotonu age kia natou.+

16 Neʼe ui leva e Tavite ki te ʼu pule ʼo te kau Levite ke natou filifili he kau hiva ʼi ʼonatou tehina, ke natou hiva leʼo lahi mo fakafiafia, ʼaki he ʼu meʼa faimaholo: he ʼu alepa,+ mo he ʼu simepale+ pea mo he tahi age ʼu meʼa faimaholo.

37 Neʼe tuku ai leva e Tavite ia Asafe+ mo ʼona tehina ʼi te muʼa aleka ʼo te fuakava ʼa Sehova, ke hoko atu pe tanatou gaue ʼi te muʼa Aleka,+ ʼo mulimuli pe ki te gaue ʼae neʼe tonu ke fai ʼi te ʼaho takitahi.+

42 Neʼe fakatahi mo natou ia Emani+ mo Setutune, ke natou pupuhi te ʼu fakatagi pupuhi, mo ta te ʼu simepale pea mo te ʼu meʼa faimaholo ʼae neʼe fakaʼaogaʼi moʼo vikiʼi ia* te ʼAtua moʼoni. Neʼe leʼo e te ʼu foha ʼo Setutune+ te matapa.

25 Tahi ʼae meʼa, neʼe vaheʼi kehe e Tavite pea mo te ʼu pule ʼo te ʼu gaue ʼo te fale lotu he ʼu foha ʼo Asafe, mo he ʼu foha ʼo Emani pea mo he ʼu foha ʼo Setutune.+ Neʼe tonu ke natou ta he ʼu alepa, mo he ʼu simepale+ mo he tahi age ʼu meʼa faimaholo+ moʼo fakavikiviki ki te ʼAtua pea mo faifakakikite. Koʼeni te ʼu higoa ʼo te ʼu tagata ʼae neʼe hinoʼi ki te gaue ʼaia: