10 ʼI te temi ʼae neʼe fakatuʼu ai e te kau gaue ia te fakatafito ʼo te fale lotu ʼo Sehova,+ neʼe tutuʼu ake ai te kau pelepitelo mo ʼonatou teu fakapelepitelo mo he ʼu fakatagi pupuhi+ ʼo feia mo te kau Levite, te ʼu foha ʼo Asafe mo he ʼu simepale, ʼo natou fakavikiviki kia Sehova ʼo mulimuli ki te fakatuʼutuʼu ʼae neʼe fai e Tavite, te Hau ʼo Iselaele.+

18 “ ‘Fakalelei siʼokotou ʼu loto, ke kotou fakakaukauʼi fakalelei te faʼahi ʼaeni ʼo kamata atu ʼi te ʼaho nei. Ko te 24 ʼaho ʼaeni ʼo te 9 mahina, te ʼaho ʼae neʼe fakatuʼu ai te ʼu fakatafito ʼo te fale lotu ʼo Sehova.+ ʼEi, ke kotou fakakaukauʼi fakalelei te faʼahi ʼaeni:

9 “Neʼe ko te ʼu nima ʼo Solopapele ʼae neʼe ina fakatuʼu te ʼu fakatafito ʼo te fale ʼaeni,+ pea ʼe ko ʼona nima ʼae ka ina fakaʼosi.”+ Pea ʼe kotou iloʼi moʼoni anai ʼe ko Sehova ʼo te ʼatu kautau ʼae neʼe ina fekauʼi mai au kia koutou.