14 pea kapau ʼe fakamalalo ifo+ taku hahaʼi ʼae ʼe natou fua toku huafa,+ mo natou faikole mai, mo kumi au pea mo tafoki mai ʼanatou aga ʼae ʼe kovi,+ ʼe au fagono anai mai te lagi, mo au fakamolemole ʼanatou agahala pea ʼe au fakaliliu anai tonatou fenua ke toe maʼuli lelei.+

10 “Koʼeni te folafola ʼa Sehova: ‘Ka hili anai te ʼu taʼu ʼe 70 ʼi Papiloni, ʼe au manatuʼi anai koutou+ pea ʼe au fakahoko anai taku fakapapau ʼae ʼe au toe ʼaumai anai koutou ki te koga meʼa ʼaeni.’+

12 ʼE kotou pauʼi mai anai, mo faikole mai pea ʼe au fagono atu anai.’+

4 ʼE ui e Sehova: “ ʼI te temi ʼaia, ʼe ʼomai fakatahi anai te hahaʼi ʼo Iselaele mo te hahaʼi ʼo Suta.+ ʼE natou haʼele faifetagihi anai,+ pea ʼe natou kumi fakatahi anai ia Sehova, tonatou ʼAtua.+ 5 ʼE natou fehuʼi anai pe kofea te ala ʼae ki Sione. ʼE haga anai ʼonatou mata ki te potu ʼaia,+ pea ʼe natou ui anai: ‘Kotou ʼomai ke tou fakatahi kia Sehova ʼo tou fai mo ia he fuakava heʼe gata ʼe mole galoʼi anai ʼi he temi.’+