29 Kotou manatuʼi, neʼe tuku atu e Sehova te Sapato ke kotou malolo ai.+ Ko te tupuʼaga la ʼaia ʼo tana foaki atu ʼi te ono ʼaho te pane kia ʼaho ʼe lua. ʼE tonu ke kotou tahi nofo pe ʼi te faʼahi ʼae ʼe kotou nonofo ai, ʼe mole tonu ke alu he tahi ki tuʼa ʼi te fitu ʼaho.”

8 “Manatuʼi ʼo fai te ʼaho ʼo te Sapato pea ke taputapu kia koe.+ 9 ʼE tonu ke ke fai ʼau gaue fuli lolotoga ʼaho ʼe ono,+ 10 kae ko te fitu ʼaho ʼe ko he sapato ia kia Sehova tou ʼAtua. ʼE mole tonu ke ke fai he gaue, ʼo feia mo ʼau fanau, mo tau tagata kaugana, mo tau fafine kaugana, mo tau manu lalata pea mo te matapule ʼae ʼe nofo ʼi tou kolo.*+ 11 Koteʼuhi neʼe faʼu e Sehova te lagi, mo te kele, mo te tai mo meʼa fuli ʼae ʼe maʼu ai lolotoga ʼaho ʼe ono, pea neʼe kamata malolo ʼi te fitu ʼaho.+ Ko te tupuʼaga la ʼaia ʼo te tapuakiʼi e Sehova te ʼaho ʼo te Sapato pea neʼe ina fakaliliu ko he ʼaho taputapu.

12 “ ‘Ke ke fai te ʼaho ʼo te Sapato pea ke taputapu te ʼaho ʼaia kia koe, ohage pe ko tona fakatotonu atu e Sehova tou ʼAtua.+ 13 ʼE tonu ke ke fai ʼau gaue fuli lolotoga ʼaho ʼe ono,+ 14 kae ko te fitu ʼaho ʼe ko he sapato ia kia Sehova tou ʼAtua.+ ʼE mole tonu ke ke fai he gaue,+ ʼo feia mo ʼau fanau, mo tau tagata kaugana, mo tau fafine kaugana, mo tau vitulo, mo tau asino, mo tau manu lalata pea mo te matapule ʼae ʼe nofo ʼi ʼou kolo,*+ ke feala ai ke malolo tau tagata kaugana peʼe ko tau fafine kaugana, ohage pe ko koe.+