15 Neʼe fakatokaga natou e Sehova, te ʼAtua ʼo ʼanatou kui ʼaki ʼana tagata ʼave logo, ʼo ina fakatokaga tuʼumaʼu pe ia natou, he neʼe manavaʼofa ki tana hahaʼi pea neʼe mole loto ke maumauʼi tona fale lotu.* 16 Kae neʼe natou manukiʼi te ʼu tagata ʼave logo ʼa te ʼAtua moʼoni,+ mo natou fehihiʼa ki ʼana folafola+ pea mo vaʼi ʼana polofeta,+ ʼo kaku ki te hoko mai ʼo te hauhau ʼo Sehova ki tana hahaʼi,+ ʼo mole kei feala ai honatou fakamalolo.

Neʼe mole koa la ko Sehova, ia ia ʼae neʼe tou agahala ki ai?

2 Pea neʼe ina toʼo tokotahi ia Selemia ʼo ui ki ai: “Neʼe fakaha e Sehova tou ʼAtua ia te malaʼia ʼae neʼe hoko ki te koga meʼa ʼaeni. 3 Pea neʼe fakahoko e Sehova ohage pe ko tana ui koteʼuhi neʼe kotou agahala kia Sehova pea neʼe mole kotou fakalogo kia te ia. Koia la ʼae neʼe hoko ai kia koutou te aluʼaga ʼaia.+