2 Pea ko te kau gaue fuli ʼa te hau ʼae neʼe ʼi te matapa ʼo te fale hau, neʼe natou tuʼutuli ifo mo tulolo ia muʼa ʼo Amane, he neʼe ko te meʼa ʼaia neʼe fakatotonu e te hau. Kae ko Maletokeo neʼe mole fia tuʼutuli ifo mo tulolo ʼi ʼona muʼa. 3 Koia ko te kau gaue ʼa te hau ʼae neʼe ʼi te matapa ʼo te fale hau, neʼe natou ui kia Maletokeo: “He koʼe koa ʼe ke meʼa noaʼi te fakatotonu ʼa te hau?” 4 ʼI te ʼaho fuli pe neʼe natou fai age kia ia te fehuʼi ʼaia, kae neʼe mole fia fakalogo ia kia natou. Neʼe natou ui age leva kia Amane ke ina vakaʼi pe ʼe tonu koa ke hoko atu te aga ʼaia ʼa Maletokeo,+ koteʼuhi neʼe ina fakaha age kia natou ko ia ko te Sutea.+

5 Neʼe sio ia Amane ki te mole fia tuʼutuli ifo ʼa Maletokeo ʼo hu kia ia, pea neʼe ita lahi ai ia Amane.+