23 ʼI te sio ʼa Asitofele neʼe mole natou mulimuli ki tana tokoni, neʼe ina teuteuʼi ai he asino ʼo toe liliu ki tona ʼapi, ʼi tona kolo.+ ʼI tana ʼosi foaki he ʼu fakatotonu ki tona loto fale,+ neʼe ina tautau leva tona kia.+ Neʼe mate ai pea neʼe tuku tona sino ki te fale maka fakafamili.

14 Pea neʼe ui age e Soape: “ ʼE pulinoa ʼosi toku temi ʼi te palalau mo koe!” Neʼe ina toʼo ai te ʼu koga ʼakau* ʼe tolu ʼo alu ʼo hukiʼi ʼaki te mafu ʼo Apesalone ʼi tana tautau maʼuli ʼi te fuʼu ʼakau lahi ʼaia.

3 Pea ko Sutasi, ʼae neʼe ina lavakiʼi ia Sesu, neʼe fakahemala ʼi tana sio ʼae kua fakatuʼā ki te mate. Neʼe alu ʼo liufaki te ʼu foʼi piesi siliva ʼe 30 ki te kau pelepitelo pule pea mo te kau takitaki Sutea,+

5 Neʼe ina laku ai te ʼu foʼi piesi siliva ki te fale lotu pea neʼe mavae leva ia. Neʼe alu ʼo tautau tona kia.+

16 “ ʼU tagata mo tehina, neʼe tonu ke hoko te folafola ʼae neʼe tala fakakikite e te laumalie maʼoniʼoni ʼaki ia Tavite ʼo ʼuhiga mo Sutasi,+ ʼae neʼe ina taki ia natou ʼae neʼe natou puke ia Sesu.+

18 (Ko te tagata ʼaia, neʼe ina toʼo he gaueʼaga ʼaki te totogi ʼo tana aga heʼe faitotonu.+ Neʼe to ʼo muʼa tona ʼulu ki lalo, ʼo mafahi tona sino mo mavete katoa tona gākau.+