29 Pea neʼe foaki leva e Moisese ki te vaelua ʼo te telepi ʼo Manase honatou tofiʼa, pea neʼe vaevae ʼi ʼonatou famili.+ 30 Neʼe kamata tonatou fenua ʼi Mahanaimi+ pea neʼe kau ai ia Pasani katoa, ia te puleʼaga katoa ʼo Oke, te Hau ʼo Pasani, ʼo feia mo te ʼu nofoʼaga fale la ʼo Saile+ ʼae ʼi Pasani. Neʼe maʼu ʼi tonatou fenua ia kolo ʼe 60. 31 Neʼe foaki ki te ʼu foha ʼo Makile,+ te foha ʼo Manase ia te vaelua ʼo Kileate, ʼo feia mo Asetaloti pea mo Etelei,+ ia te ʼu kolo ʼo te puleʼaga ʼo Oke ʼi Pasani. Kae neʼe ko te vaelua pe ʼo te ʼu foha ʼo Makile ʼae neʼe foaki ki ai pea neʼe vaevae ʼi ʼonatou famili.