22 “ ʼE mole tonu ke kotou gaohi koviʼi he fafine vitua peʼe ko he tamasiʼi ʼe hala mo tamai.+ 23 Kapau ʼe ke gaohi koviʼi ia naua, ʼo nā tagi mai ai kia te au, ʼe au logo moʼoni anai ki ʼanā tagi.+ 24 ʼE kovi anai toku ita, pea ʼe au matehi anai ia koutou ʼaki te heleta, ʼe liliu anai ʼokotou ʼohoana ko ni fafine vitua pea ʼe hala tamai anai ʼakotou fanau.

17 Koteʼuhi ko Sehova tokotou ʼAtua, ʼe ko te ʼAtua ʼo te ʼu ʼatua+ pea mo te ʼAliki ʼo te ʼu ʼaliki, te ʼAtua lahi, mo malohi pea mo fakamanavahe, ʼae ʼe mole fakapalatahi+ pea ʼe mole ina tali he meʼa ʼofa neʼe foaki fakakaka age. 18 ʼE ina fakahoko te faitotonu ki te fanau ʼae ʼe hala mo tamai pea mo te fafine vitua,+ pea ʼe ʼofa ki te matapule,+ ʼo ina foaki age hana meʼa kai mo hona meʼa laofi.

14 Kae ʼe ke sio tonu ki te malaʼia mo te mamahi.

ʼE ke sio ki ai pea ʼe ke fai ni puleʼaki.+