3 Neʼe logo ia Sehova ki te ʼu leʼo ʼo te kau Iselaele pea neʼe ina tuku te kau Kanaane ki ʼonatou nima. Pea neʼe natou matematehi natou mo maumauʼi ʼonatou kolo. Koia, neʼe fakahigoaʼi ai te koga meʼa ʼaia ko Holema.*+

5 Neʼe fakatahitahi ai te ʼu hau ʼaeni ʼe toko nima ʼo te kau Amole+ mo ʼanatou foʼi kautau: ko te hau ʼo Selusalemi, mo te hau ʼo Hepelone, mo te hau ʼo Salamuti, mo te hau ʼo Lakisi, pea mo te hau ʼo Ekeloni. Neʼe natou olo ai leva ki Kipeone, ʼo ʼa takai te kolo ke natou tauʼi.

10 Neʼe fakatupu e Sehova he maveuveu ia natou.+ Neʼe matehi e te kau Iselaele ia te kau Amole ʼo lahi ai te mātea ʼi Kipeone. Neʼe natou tuli ʼihi ia natou ʼi te ala ʼae ʼe hake ki Pete-oloni pea neʼe natou matematehi ia natou ʼo kaku ki Aseka mo Maketa.