8 “Kotou fakafetaʼi kia Sehova,+ kotou vikiʼi tona huafa,
Kotou fakaha ʼana gaue fakaofoofo ki te hahaʼi!+
9 Kotou hiva kia te ia, kotou hiva ni fakavikiviki kia te ia,+
Kotou metitasio ki ʼana gaue fakaofoofo fuli.+
10 Kotou fiameʼameʼa ʼo ʼuhiga mo tona huafa taputapu.+
Ke fiafia te loto ʼo natou ʼae ʼe natou kumi ia Sehova.+
11 Kotou kumi ia Sehova+ pea mo tona malohi.
Kotou haga tuʼumaʼu pe kia te ia.+
12 Kotou manatuʼi te ʼu gaue fakaofoofo ʼae neʼe ina fai,+
Mo ʼana milakulo pea mo te ʼu fakamau ʼae neʼe ina fai,
13 Ia koutou, ʼae ko te hologa ʼo Iselaele tana tagata faifekau,+
Ia koutou, ko te ʼu foha ʼo Sakopo, ʼae neʼe ina filifili.+