7 “Kapau ʼe liliu hokotou tehina ʼo masiva ʼi he kolo ʼo te fenua ʼae ʼe foaki atu e Sehova tokotou ʼAtua kia koutou, ʼaua naʼa kotou fakafefeka ʼokotou loto peʼe kotou fulu pipiki.+ 8 Kae ʼe tonu anai ke kotou lotofoaki,+ pea mo foaki te ʼu meʼa fuli ʼae ʼe ʼaoga ki tokotou tehina ʼaia.*

34 Pea tahi ʼae, kapau ʼe kotou foaki* kia natou ʼae ʼe kotou ʼamanaki ʼe natou toe liufaki atu anai, kotea te lelei ʼae ʼe kotou fai?+ He ʼe toe fai feia pe mo te kau agahala, ʼe natou foaki ki te kau agahala ke toe liufaki age. 35 Kae ke kotou haga ʼoʼofa ki ʼokotou fili, mo fai te meʼa ʼae ʼe lelei, mo foaki ʼo mole kotou ʼamanaki ʼe liufaki atu anai.+ ʼE lahi anai tokotou fakapale, pea ʼe kotou liliu anai ko he ʼu foha ʼo te Maʼoluga, koteʼuhi ʼe agalelei kia natou ʼae ʼe maʼuli galo mo agakovi.+

35 Ia meʼa fuli, neʼe au fakaha atu ʼe tonu ke feia takotou gaue kinakina+ moʼo tokoni kia natou ʼae ʼe vaivai. Pea ʼe tonu ke kotou manatuʼi te ʼu folafola ʼaeni ʼa te ʼAliki ko Sesu: ‘ ʼE lahi age te fiafia moka kita foaki,+ ʼi takita tali.’ ”

16 Pea tahi ʼae, ʼaua naʼa galo kia koutou te fai ʼo te meʼa ʼae ʼe lelei pea mo vaevae mo ʼihi te meʼa ʼae ʼe kotou maʼu,+ he ʼe leleiʼia e te ʼAtua te taʼi ʼu sakilifisio ʼaia.+